سامع صوت الدنيا بودنى كل الناس فرحانة بتغنى
داحنا فى ليلة الالفية والامنية اعيش متهنى
وسط الفرحة وبين النور طفلة بتبكى جنب السور
فى فلسطين وجنوب لبنان والمحتل عايش فى قصور
وسط البرد بتبكى الطفلة اه من الظلم وآه من الجور
ايه كان يجرى ويحصل لو للحرية نمد جسور
نحضن بعض فى الالفية ندفن صوت الحرب الغادر
نزرع شجرة نمسح دمعة سوا بايدينا نسد مقابر
نلقى سلام نبنيه بايدينا بدل الحرب وصوت النار
عمر الحرب ماتفرض مبدأ تزرع حرب تجنى دمار
ناس بتموت فى سبيل الكلمة ودم بيجرى باستمرار
نفسى الاقى الدنيا اتحدت على كلمة حب وخير وسلام
بدل الحرب وصوت المدفع نسبق يومنا سنين قدام
نزرع حب ونحصد خير للبشرية يدوم اعوام
ساحة النقاش