يااااااه ... لسه فاكر
=========
ياااااااااااااااه لسه فاكر انه كان لك حبيب
مين فكرك؟ ومين اللى دلك على الطريق
والله زمااااان يللى اّخدتك فى يوم صديق
يللى قلت عليك انت الامان لوقت الضيق
يااااااااااااه جاى تقوللى تانى انك حبيبى
جاى تكرر الاعيبك ولاجاى تبكى عيونى
مش هتعرف فى يوم تمثل على قلبى تانى
مش هتقدر مهما حاولت ترجع لقلبى تانى
يااااااااااااااااااااه بأى وش انت راجع
فاكر انى من بعدك اصبح قلبى ضايع
ولافاكر قلبى لعبه تشارو له ييجى طاير
خلاص بقه ماراحت عليك ارجع وسافر
يااااااه والله فيك الخير تُشكر قوى ع السؤال
بس صدقنى انا نسيتك ولابتخطر يوم ع البال
هو فيه حد قال لك انى بعدك عشت فى عذاب
ولافيه انسان فى الدنيا بيموت ورى اللى مات
نفسى اقولك كلمتين وياريت تفهم كلامى
عايز اقولك قلبى حبك ايوه حبك يا جانى
وبأيدك قتلت الحب فمات معاه كل حنانى
الحب مات وقلبى من جهتك اصبح جافى
خلاص مش عايز اشوفك ولا حتى اسمعك
يوم ماتيجى قدامى سيرتك انا قلبى بيلعنك
اوعى تفكر انه لسه قاعد فى قلبى مطرحك
اوعى تطلب منى احبك لو حبيتك هخدعك
سبنى فى حالى . وخليك فى حالك ارجوك
اللى جوايه منك صعب ينساه قلبى فى يوم
كنت الامل اللى اصبح اصعب ندم ودموع
انت مرض قدرت ابتره بلا الم ولا دموع
ساحة النقاش