ألفين وكسة
جاتكم نيلة وألفين وكسة
يانبع بجاحة وبعيون باكسة
ياداعش ياللي إديكم نجسة
بدم الشهدا إللي في رقبتكو
ياألفين وكسة عليكو ياخيبتكو
كل ماتعلوا ويعلى في صيتكو
كل مابتقرّب أخرتكو
يومها هتعرفوا معنى الوكسة
جاتكم نيلة وألفين وكسة
شبح كساسبة في كل مناسبة
يمد إديه علشان يخنقكوا
يقولكوا ذنبي أنا إيه طب ليه
حتى وجودي ياناس مضايقكوا
ياداعشين ليه عايشين
زي العقرب فينا لايشين
ماشين حايشن الهوا والضلة
ليه بتذيدوا الطينة ببلة
نفسي أديكو ف راسكم قُلة
إنتوا عرب ولا أنتوا شراكسة
ولا دي ساد ولا إنتوا مراكسة
بعتوا الغالي بأثمان بخسة
جاتكم نيلة وألفين وكسة
ياللي مابتحبوها عمار
ليه فاكرين مثوانا النار
ليه بتقولوا علينا كفار
أخدتوا إزاي بالتكفير رخصة
جاتك نيلة وألفين وكسة
إنجدنا يارب إنت الجبار
على إللي إتجبر يوم ع الجار
وإللي خرب بإديه في ديار
وإللي عيونهم بجحة وباكسة
جاتهم نيلة وألفين وكسة
بقلم طارق السيد