....... يا سادة أهملنا العبادة ......

........................
يا سادة أهملنا العـــبادة
يا سادة أهملنا السجاده
وبقينا عايشين للمنظره
قادة نافشين ريشهم
علي صدورهم متحف أوسمه
وعباد الله بعاد عن هامشهم
والأفواه مسجونه ومتكممه
والتعالي علي الغلابه
والشاشات والكتابه
والبسيط فدا الديابه
وبقينا للعالم مسخره
إحنا أصحاب الحضارة
ومنابر العلم والمناره
اهملنا الزرعة والأرض
الخضرة بقت غابـــــه
وإتفشي فينا المرض
والفكر بقي قيادة بأي سعر
حتي لو كل الشعب إنتحــر
بطانة مننا مستوردة دخيله
علينا مش عايزيــــن فكر
والزعامه موهبه بالحكمه
وإحساس ومحبه ونعمه
إنزل حضيض النفس
أشوف بعيني وأحس
أسمع بقلبي النبض
وأصلي معاهم الفرض
ح لقا أبواب الشمس
تفتح الأبواب المقفلة
والكتاب مفيش بنا وبينه صله
نخوة العروبه إتنزعت من العـروق
العزة مسلوبه والدم مات مخنوق
وقلب بريء لسه كتابه ما تفتحش
يموت غريق او حريق وما يفهمش
يخاف عليه البحر من القرش
يرميه بحنيه علي الشط
الشجر عليه حط والزهر دبل
النخل اتسخط وتاهت السبل
واه علي شعب طاهــر بيتذل
والعرب مساطيل عبيد للغرب
وصولجان علي شعوبهم
بلا رحمة وبالقتل والضرب
الدم إتنزع من قلوبهم
وكمان عليهم غضب الرب
واللي جاي بجد أصعب من الصعب
واللي ح يدفع التمن بارضوا الشعب
....................................
..... إحسـاس / حسـن الشـوان
........................ 6/سبتمبر /2015 .............