فرحتي
شعر : زينب سالم
جوة مني فرحة وخداني
بس قلبي جواه أناني
وزع الفرح ساعدني تاني
فرحة بجد مش سايعاني
هو ده إللي إخترته جاني
اللي جواه مشاعر محيراني
بس عينيه يا ناس مجنناني
خدني خيالي بعيد و سقاني
أحلي حب من أغلي قلب
جوة مشاعره حنان و قرب
ندهلي قلبي جواكي حرب
يا تقولي أيوة إستناني
يا إما لأ مش هأحب تاني
لا إوعي تبعد و تنساني
لأدوق الحزن و أعاني
و هأنسي الفرح و الأغاني
خدني معاك لفرحتي تاني
أنا للحزن مش هأرجع تاني