******( اللون الاخضر ) ****** بقلم .. رأفت الشهــــــــــــــاوى .

ةةةةةةةةةةةةةةةةةةةة ( بالعاميه ) ةةةةةةةةةةةةةةةة

اللون الاخضر ليه حاصروه .. بكل فسوة سجنــوه
حرام عليكو خلوه يعيـــــــش .. من غير رحمه بتشنقـــوه
الفلاح بقا قلبه قاســـــــــــــى .. اللون الاخضر ها عليــــه
علشان بيت بالاحمـــــــــــــر.. نسى طيبته وداس عليــــه
سانن الشقرف وماسكــــــــــه.. سلاح قاسى بين اديـــك
افتكر بس ارضـــــــــــــــــك... بدموع عنيها بتناديــك
دا أنا روحى هيا روحـــــــك.... وخيرى كله كمان ليـــك
نسيت بسمة عيونــــــــــــى تشيل همك وتراضيــك
والكحل اللى ف رموشى .. معزتوش ابدا عليك
بتبعتر ليه ضفايرى ,,, دا ف الشتا تغطيك
فاسك بتدبح غصب عنها ,,, ودموعها نزلت عليه
وشجرة الصفصاف بتبكى ,, قولى بس انا ذنبى ايه
هو نسى ريحتى الجميله ,,, دا كان ضلى مظلة ليه
وشعرى على خد القناية ,, كان مرجيحه لابنه ماسكها باديه
متنساش صوت السواقى ,, كان غنوه ف لياليك
والتوته تمد اديها كل براحتك انا كلى ليك
عايز تقطع ليه جدورى ,, هيا دموعى هانت عليك
بس شوف الزرع الاخضر ,, وهو بيبص ف عنيك
الخوف بقا مالى قلبه ,, وبيتوسل اليك
بص وشم ريحة الفليه ,,, والريحان مالى الجسور
ولوزة القطن بتفتح عنيها ,, مليا الغيط امل ونور
وسنابل القمح بتهز راسها ,, دا الليله ليلة فرحها
لبسه كردالها المدهب ,, على صدرها مابين ذراعها
والجميزة والجزورينه والكافور ,, بنظام كلنا واقفين طابور
وعلى سهوا سمعنا همس وكلام , م الخوف معرفناش ننام
بيقولو هيدبحونا ف المغربية بالتمام
ال هيبنو بيت كبير للاستاذ عب السلام
هيشيلو كمان السواقى ,, وهدو ابراج الحمام
الاستاذ كان ف الخليج ,, وجايب فلوس اكوام ,كوام
لابس بدله وجرافته ,, وحاطط جل وع التمام
وجى فارد قلوعة ,, خلاص كدا خلص الكلام
ليه يافلاح يافندى ,, دا كدا ظلم وحرام
شم الندا المعطر ,, ريحته لسا ماسكا فيك
وحنان طين ارضك , داحنته كاسيا اديك
ولا القله والحصيره ,, خلاص بقوا عار عليك
عايز تمشى ع الموضة , ونضارت شمس فوق عنيك
طب ياعم عيش برحتك , بس اوعى تنسى ارضك
دا هيا خالك وعمك ,, وكمان شرفك وعرضك
باديك خليك ماسكها ,, ها تلاقيها واقفة جنبك
لو حاولت تعمل ناسيها , هتلاقيها على طول فى ضهرك