وقالولنا بصوا العصفوره ..
وهنطلع احلي ف الصوره ..
قولنالهم دي لعبة قديمه ..
افلامكم قدمت ف السيما ..
قولولنا علي شجرة سليمه ..
واقفه عليها العصفورة ؟!!!!!!!
زنقونا جوه السرداب
وقفلوا كل الابواب
و سقونا واحد عناب
وحاسبونا على الف فاتوره!!!
ولعبنا لعبة خلاويص ..
وطلعنا منها بلابيص..
و كتبنا جوه الكراريس
بلاش نلعب ع السنيوره.
لاعبونا التعلب فات
خبوه! وبينوا كرامات
ف اللعبه كام واحد مات
ولسه مخلصتش الفوره

سيد صادق