…… .(الأصيل )… … ..
إنسان جميل
كل اللي عرفه
عليه يميل
مخلص فى طبعه
والحب تابعه
يعمل لغيره المستحيل
لو حد قابله
واجبه يقابله
بالحب ياخد منه الكتير
من أصل طيب
تلقاه قريب
يغضب ثواني
يرجع أصيل
ضاحك تملي
مهموم يخلي
همه فى قلبه
مهموم كثير
وإيه ذنب غيره
همه يشيله
بيشيل لوحده
شايل تقيل
بيحب ربه
ديما يقابله
واثق فى فضله
عاشق أسير
وكثير فى ظله
عيشين فى خير
ماهو خل خله
حظه فاكر له
وﻻيوم يحله
م المسؤولية
حمل وشيل
كتير همومه
بيخاصمه نومه
وكتير يلومه
ماهو كل واحد
من كل حته
عايز يشيل
والمال فى إيده
مش ملك إيده
هوه اللي سايده
والمال عبيده
وعليه خفير
بيحب أهله
والصعب سهله
ويحمي كهله
بيضحي هوه
علشان يعيشوا
بدرجة أمير
عنيد أشوفه
يتحدى خوفه
خايف من بكره
أحسن يطير
وانا بين كفوفه
أقرأه وأشوفه
من حزنه يضحك
وهواه عليل
نجم فى سماه
فى غيومه تاه
لوسيبته لحظة
الحزن وحده
تلقاه حداه
مع إن نوره
فرشه وحصيره
لو شفته مره
ﻻزم تزوره
عايش بقلبه
بيحب غيره
والحب وحده
سكة ومصير
…… ..(شعر)………
عبدالله السايح