لحد إمتي
شعر : زينب سالم
لحد إمتي هأفضل معاندة
أخاف و أداري الكلام ده
هي عادة و ألا مزايدة
أخاف وأرجع بعقدة
أحب مرة و تصبح مرة
أشوف و أخرج لبرة
كل خاين إسمه راجل
هي عقدة و ألا مناهدة
قلت مش عايزة جواز
خبطت راسي بالأزاز
ما حد سمع آلا و عدا
و غطي راسه بالمخده
هتتجوزي هي كلمة
سكت و عديت الغمة
بس أنا مش قاعدة
و لا سامعة و لا واخده
غير بس نيتي و قلبي
أللي هيختار لي حبي
ما هي برضه مرة الوحدة
و لا حد هيسيبني قاعدة
إلا لو راجل ساندني
بقلبه و بروحه شاهدة
قد الصبر اللي صبرته
هيكون لي وعد و معاهدة