قلت أنساكي
^^^^^^^
قلت أنساكى ما افكر فيكي
نار أشواقي تاخدني إليكي
و أتوه بين حيرتي
و بين أحزاني
كل اسراري ما تخفي عليكي
تفضح عيني دموع أشجاني
و بأحزاني ما كنت أرضيكي
تاهت ضحكة و كنت ناسيها
و بأوهامي عتابي عليكي
كان أحلامي إنك تهديها
و ارسم صورة و أنا جنبيكي
أضحك ضحكة ما كنت لاقيتها
وهمي الطايش حام حواليكي
البرواز و الروح و الصورة
كات مكسورة بفعل ايديكي
قلت أسافر عنك و أمشي
ما اعد خطاوي و أنا بمشيها
أبعد عنك ما أطمنشي
و أشوف أحلامي و أنا برميها
أسهر طول الليل و لا نمشي
و دمعة في عيني أكفكف فيها
لكن بس أزاي ما فهمشي
بين أحضانك روحي ناسيها
أنا مسجون ممنوع ما أحلمشي
هاتي روحي دوسي عليها
تموت الروح
و خلاص ما هخفشي
ليالي البعد ما حسش بيها
أحس أزاي و أنا متشرد
بين روحي و بين أمانيها
ماتت روحي قبل ما تهرب
تحت ترابك ما تبكي عليها
^^^^^^^^^^^^^
بقلم / رمضان العلالقة