أنا المنسي
بقلم موسى عثمان

أنا الموجوع
وأنا المدبوح
وأنا المنسي

وأنا االلي تعبت من ضعفي
وياما صعبت على نفسي

وأنا اللي بشيل هموم الكون على كتفي
وأنا اللي ندبت ايامي وسنين نحسي

وانا اللي راضي بالمكتوب لي ومكفي
وأنا الفارس في عز الشده فوق فرسي

وانا اللي بخبي كل احزاني
جوايه في دولاب مخفي

لاني لو شكيت للناس
أكيد هبقى بهين نفسي

وأنا اللي تشوفني متفائل
وأنا اللي بعاني من يأسي

وأنا اللي تقول عليه عاقل
وأنا المجنون مع نفسي

وأنا اللي مهما دنيتنا تشييلني انا شايل
وانا اللي الدنيا شهدالي بعزمي وقوتي وبأسي

وانا اللي نفسي اعيش انسان واستاهل
وامتى يا بلدي هتحسي

بمر الغربه جوايه
سنين ضاعت وانا منسي

ونفسي أوضع لها نهايه
يا بلدي البعد بيقسي

وعمري يا بلدي منساكي

وعلشانك نسيت نفسي

بقلمي موسى