جارى التحميل
استخدم زر ESC أو رجوع للعودة
غنوة حب
بقلم
موسى عثمان
يا غنوة حب منسيه
يا وردايه منديه
يا نسمايه معديه
قولولها قلبها ليا
قولولها كلام عليا
يهديها شويه
يهون بعدي عنها
يشوقها لعنيا
دا لما تغيب شويه
قلبي بيعتب عليا
لانه زمان عاهدني
مينساش اللي ليا
وعمري في يوم ما هنسى
حبيتي في قلبي لسه
وعمر ي عليها ما أقسى
ولا هتهون عليا
أنا بيها ومن غيرها
دموعي بتفكرها
وحبي مش لغيرها
وروحي فيها هيا
يعني خلاصة الكلام ده
خدولها مني ورده
وقولولها لا يمكن أرضى
اغيب عن نور عنيا
بقلم موسى عثمان
مجلة همسات سندريلا مجلة ادبية شاملة تهتم بنشر ابداعكم فى شتى المجالات
