إمتي الزمان يرجع
شعر : زينب سالم
كل ما أقول الدنيا حلوة
ألاقي ضحكتها صبحت كالحة
أقول أسمع لوحدي غنوة
ألاقي الأغاني غير صالحة
إشي واحدة بتهز الوسط
وواحدة لا غنا ولا رقص فالحة
و واحدة ماسكاها الكهربا
نفسي أفهم ليه دي شالحة
و النبي أنا بس نفسي أسمع
هو أنا قلت عايزة أشوف
نفسي وداني ترتاح و تسمع
و إحساسي بالصوت يطلع
و عينية مع الكلام الحلو تدمع
لكن يا خسارة عالأغاني
يا إما نواح لناس بتعاني
يا كلام سخافته خانقاني
يا ريتنا بس حتي نفهم
دي مغني و ألا شئ تاني
و قيمة الإنسان راحت
مع كلام فارغ كلام فاني
عارفين أغانيكو شبه إيه
شبه البيتزا و الهم برجر
بصوت معزة و هم أكتر
زادت همومنا بوشوش تعكر
لا إحساس بالكلمة ولا بتفكر
دي مصيبة أيه دي آه يا زمان
آه ياني