الشاعر احمد ابراهيم
الشاعر المصري/احمد ابراهيم
**********************
فى قصيدة(شروق فجرك)
***********************
انا قربانك الصادق
انا ظهرك وانا املك
انا الدايب فى اشواقك
انا العايش على بابك انا حضنك
انا الفارس على حصانك
وانا سلاحك وانا سهمك
وانا حصنك
انا الوعد اللى انكتب ليكى
واكون دايب انا ف عشقك
انا المجنون وانا المفتون
انا بحسنك
انا قربانك الصادق انا ظهرك
انا العاشق وعشقي ليكى
مالو حدود
انا الموجود على صفحة
خضار عمرك
انا الباقي لاني عشقي موصفلك
ومكتوبه فى الف كتاب
واحتار فى البشر وصفك
ومكتوبه ومذكورة ف القراءن
وانا الراكع عشان تكمل
صلاة فرضك
انا العايش هنا ليكي انا ابنك
حببتي ليكى بكتبلك
وبغزل ف الفضا علمك
وبكتبلك حروف العشق لعيونك
ما انا مجنون انا بحبك
انا الدايب كتبت الحرف من شعري
عشان خطرك
هقول فيكى قصايد شعر ما تكفي
ما انا شاعر حروفى احتارو
فى وصفك
اقولك ايه يا عمر العمر يا عمري
اقولك ايه يا ست الكل يا صبرة
على جرحك
اقولك ايه تعالى حببتى وف حضني
انا الماسح انا دمعك
انا سمعك وانا بصرك انا روحك
وانا الساكن هنا ف نبضك
انا واحد من الملايين
انا الشارب انا طبتك
انا الواقف على حدودك
ووقت الشدة انا أسدك
حبيبتى يا مصر
فى الف قصيدة هكتبلك
انا قربانك الصادق
انا ظهرك وانا املك
وانا الراكع عشان تكمل
صلاة فرضك
*******************
بقلم الشاعر المصري/احمد ابراهيم
