القلب القاسي
شعر : زينب سالم { أغنية }
كل ده كان ليه - ليه
إنت كان ذنبك إيه
حيران و مداري جوايا
مسكين شقيان في هوايا
بس كل ده و تداريه
يا قلبي يا مخبي قد إيه
قصدت بس تخبي عليه
ليه ما فهمش خوفك ليه
كل وجعي أهو مخبيه
حتي دموعي كتيرة عليه
و الآه بتريح قد إيه
كل ده كان ليه - ليه
صدني و أنا بأناديه
جرحني وجرحي قدام عينيه
قد كده عينيك غمضت
وألا القلوب إتقطعت
مشاعري كلها بتناديه
دموعي ياما باست إيديه
لكن يا قلبي هأداري عليه
إنه بحبي الناس هتقسى عليه
