وصيتي لأبني ...
.............................
عاهدني يابني تصون ودك
تحافظ يابني على عهدك
تشيل الحب في قلبك...
على شان إيمانك كده بربك
زرعته فيك ماتخافش
فمهما تغيب راح ترجع
تلاقي الناس بتحبك
لإنك أمين على عهدك
لا يوم بتخون من خانك
ولا يوم قصرت في جهدك
راجل وخايف على بلدك
تموت حر فدى ترابها
ولا تعيش جبان الذل بيهدك
علمتك يابني تدوق الصبر
فخلي الصبر في قلبك
يكون طاعه كده لربك
وفي كل صلاه تدعيلها
دي بلدنا يابني وتستاهل
تموت فدى طين نيلها
زي جدود جدود جدك
وأوعى يابني تزعل أخوك
لو زعل الأخ هيهدك
قرأنك شيله في صدرك
ولو حسيت في يوم مخنوق
أقرأ وصلي راح يزيل همك
وحسن يابني في أخلاقك
وحب الناس من قلبك
تلاقي الناس بتحبك
وصيتك يابني بوصيتي
راك تنسى
محدش بعدي راح يوصيك
ولما أموت تدعيلي
وتوصي إبنك وصية أبوك
دي هي يابني ميراثنا من جدك
...................................
بقلم| حمدي رمضان.ابوعمر الريشي