زينب سالم

موال القلوب
أنشودة (شعر) زينب سالم
هي دي الأيام قصدها تباعدنا
هي كده الأحكام قدرنا و مواعيدنا
تهنا لي الدنيا شوية شوية...
تحلا كل ثانية بعدين تمررنا
إيش حاجة العشاق يا محبين
غير قلب صافي حنون يواعدنا
من غير لا لوم و لا خصام جايين
من غير دموع و آهات تبعدنا
نفسي أشوف وياك الدنيا حلوة
نفسي نسعد بأحلي نغم و غنوة
خايفة لا الدنيا تعملها و تخدعنا
هنلوم عليها إزاي و اللوم واجعنا
طب أسيبه إزاي و ده حبي
إزاي يا دنيا ما يصعب عليكي غلبي
ليه تسيبيني كده وحدانية
كل ما أفرح تحرميني حبي
من جوة قلبي عليه مدارية
لا يشوفه غيري أي مداوية
ده حبي الدوا و الدفا قلبي
عذاب الجوا لو الحب هاجرنا