نقطة ميه
بقلمي موسى عثمان

لقيت نفسي بقيت عادي في حياتك
فقولت اسيب حياتك ...
وانسحب
لاني صعب اكون في الحب عادي
فعادي لما اسيبك بالادب
ولازم تعرفي اني بحبك
ومش هقبل اكون تحت الطلب
فياريت تعرفي ومن الساعه دي
بان الحب جه من غير سبب
كنقطة ميه طلعت من بحيره
فنامت في الدفا وسط السحب
ولما الريح بقت قاسيه عليها
فنزلت تجري ومالكها الغضب
ورجعت للبحيره وكان قرارها
مترويش اللي ياخد غرضه منها
ومتخليش نيران الحب تاكل في الحطب
وتعشق اللي يرضى يعيش عشانها
وتنسى اللي واخدها بدون سبب
كمالة عد او لوقت عوزه
طالما مش عاوزها
يبقى سيبها
للي محتاجها
وميت م التعب
يا اما تاخدها وتحافظ عليها
لان الغاليه مش شرط اشتريها
لان تمنها عمره ما يتحسب
بقلمي موسى عثمان