إنتي عميا ..... ولا على عينك غشاوه
بقلمي موسى عثمان

هوا إنتي عميا
ولاااا على عينك غشاوه

...

ليه لما ببعد
جوه قلبك بزيد حلاوه

ولما أقرب قلبي منك
بتبعديني
وتعذبيني
بكلمه طايشه
خارجه من بركان قساوه

وكلامك المعجون بسكر
فجأه يمرر

ويخلى حجم الشوق في قلبي
يبقى أصغر

أبقى بحلم أني أشوفك
لو للحظه
وإنتي طبعا في الطراوه

ليه محيراني
بين جنان
وكلام مزوق

عاوزاني أزعل
بس بردو أكون مروق

طب مين يدوق المر
ويحسه حلاوه

فجأه تقوليلي
يا حبيبي
خليك معايا
أوعى تسيبني
وخدني بقى على أد عقلي
وبالهداوه

بعدها يدوب ثانيتين
تنسي الحكايه
وتقولي إمشي
مش عاوزه أشوفك
أصلا ما بين قلبك وقلبي
من زمان حبة عداوه

وساعتها عقلي يقولي امشي
وقلبي مش هاين عليه حب السنين
ودموعي تتجمد برمشي
خايفه تنزل أتوجع
ومن الوجع
أنسى الصفاوه

طب يعني أقعد ولا أمشي
وجعتي راسي

متقولي بالمره منامش
ودا شيء اساسي

وأبقى واقف أنتباه
على شعر راسي

وأبقى قاعد ع الهوا
وأنسى الكراسي

لو ده دلع يا حبيبتي
طب قابلي الشقاوه

بتقولي أمشي
أنا ماشي همشي
و قبل ما أمشي

إغرسي إيدك
في قلبي
بس حاسبي

لو غرستيها بغباوه

وهيا خارجه
تاخد معاها كل المحبه والغلاوه

بقلمي موسى