=====يا مهجتى=====
بشكيلك انت
كل همى
ياغالية عندى
مصر يا امى ...
واشكى لمين
غيرك عذابى
وانت اغلى
ناسى وصحابى
يا عزوتى وشيبى
وشبابى
يادنيتى وكل حياتى
مهدى فى ارضك
ولحدى ومماتى
يانصيبى وقسمتى
لو قالوا غرب
حاقول دى انت
ولو قالوا شرق
هو انت
يافرح قلبى وبسمتى
اسعد بنارك
ولا فى غيرك
اشوف جنتى
ياشرفى انتى
وجمال سمعتى
ياحب عمرى
وطيب فرحتى
يالى الكل
اتجمع فى اسمك
امى وبنتى
اختى وشقيقتى
وعمتى
خالتى وحبيبتى
وجدتى
اخويا وابويا
وصاحبى وزميلى
وكبير عيلتنا
وعمدتى
انت يامصر
واشكى لمين
غيرك انت
يامهجتى
=====رمضان على=====