إنتي عارفه

بقلمي موسى عثمان

إنتي عارفه...
تبقي بالنسبالي ايه

إنتي أول حد شد القلب ليه

بسمه
بتضيع مرارة حزني وبتمحيه

حلم عمري
اللي ياما حلمت بيه

طب عارفه يا حبيبتي إنتي ايه

إنتي الكلام
اللي بيتقال في السكوت
إنتي اللي صوتك جوه قلبي
أعلى صوت
إنتي اللي نفسي أحضنك
مره وأموت
حبي الوحيد
اللي بنام وأصحى عليه

لو لسه حابه تعرفي
تبقي إنتي ايه

قربي مني أوي
وقلبي افتحيه

هتلاقي جواه الكلام
اللي إنتي رافضه تصدقيه

عارفه حبيبتي
إنت جوه القلب ليه

علشان غرامك
قلبي متعود عليه
من قبل حتى ما أعرفك
انا عشته وياكي
وياما سهرت ليه

يعني النجوم بتحسدك
ع اللي انتي فيه

و لسه جايه تسأليني
تبقي بالنسبالي ايه

بقلمي موسى

مشاهدة المزيد