أصعب درس أنا إتعلمته
بقلمي موسى عثمان

بالراحه على القلب شوية
القلب ده محتاج مداديه...
لو تعرف معني الحنيه
كان بإديك جرحك طيبته
ومضحكتش على قلبي
وسيبته

ولا همك ولا حاسس بيا
ولا مرة سألت إنتا عليا
وأنا كاتمة الجرح ومداريه
أصعب درس أنا إتعلمته

إتعودت خلاص على بعدي
حابب جرح دموعي لخدي
أوعدك الأيام دي تعدي
وهخيب أمل إنتا رسمتة

مش بالساهل لم جراحي
ولا ينفع أكمل أفراحي
نامي يا عيني خلاص وإرتاحي
وسط عذاب القلب وحيرته
ولا بالساهل أبقى ضحيه
ولا ينفع أشحت حنيه
الجرح ده كان صعب عليا
بس خلاص قلبي أنا عودته

أصل الجرح ما دام بيعلم
سهل اوي أشوفه وأتألم
وإن حن القلب أوي و سلم
هكويه بنارك وأسجن نبضه

لو واهم إني أسلملك
بعد ما قلبي تعب من حملك
إنسى في يوم إني أكلملك
قلبي عشان أحله من وعده

إنه يطيب بإيديه جراحه
وميفكرش في ناس إرتاحوا
لما إتعذب وسابوه وراحوا
يعني خلاص قلبي انا عرفته

وهيبعد عن حبك خالص
أصل انا قلبي خلاص مش ناقص
مش محتاجة دروس في مدارس
علشان يتعلم من غلطه

وخلاص فهم إن إنت خدعته
أيوه مقرر يمشى لوحده
هيكمل في طريق على أده
بدموع القلب أنا حددته

بقلمي موسى

مشاهدة المزيد