Maha Fathy

*** خلاص ***
***********

خلاص عقلي معاك أحتار

...

تعبت والله م الافكار

مرة تيجي وتقرب

وتبعد كتير بدون أعذار

ويوم ما تيجي وتسعدني

تسمعني كلام كتير

ولما الكلمة تعجبني

بحس معاك إني بطير

وافوق من حلمي كده على طول

وقول لو الحلم بيا يطول

أكون أسعد أنسانة

سعيدة بيك وفرحانه

و أسرح مرة بخيالي

أمتى تاخدني للجنة

وتصفى الدنيا وتحلالي

و أعيش معاك واتهنى

تعالى عاهدني وأعاهدك

وأصون حبك وأصون ودك

أنت اللي قلبي بيتمناك

لا في قبلك ولا بعدك

ده قلبي طيب قوي وحنون

حبك والله حب جنون

ومهما تشوف حبيبي قلوب

قلبي لحبك أنت يصون

مها فتحي

25\7\2015

مشاهدة المزيد