الدنيا في عيوني
بقلمي موسى عثمان
الدنيا ليه...
في عيوني
باهته صغيره
وكل حاجه جميله
ليه متغيره
نظرة عيوني
وراها
دمعه محيره
بين حزن ساكن جوا قلبي
وبسمه خداعه بتنكر كل ده وتخبي
و شمعه دبلانه تشوفها منوره
جايه عليا الدنيا ليه
ومستكتره
أني أدوق الفرح يوم
عاوزاني أرجع ليه لورا
ومخلياني اعيش وحيد محروم
بسمة شفايفي فيا ليه مستخسره
حرماني ليه من كل حاجه بحبها
روحي خلاص تعبت وكرهت حزنها
مش حابب الدنيا كده على بعضها
وبقت حياتي صفحه سوده
بالعذاب متسطره
بقلمي موسى عثمان
