صديقتي عدوتي
شعر : زينب سالم
قولتي كتير و صدقتك
برغم إني عرفت كذبك
تفتكري فشلي ده هزك
وألا شماتتك دي و كرهك
ليه صداقتك كانت كذبة
ليه قلبك مليان غربة
و الحب جواكي داب فكلمة
يا ريت حتي فيها شكلك
تعاتبي كمان و بصراحة
جواكي مخاصمك الراحة
بأعيد كلامي ليه و أزيده
هو أنتي عايشة إلا لغلك
هأتجنن و أعرف ليه كده
قلبك مش صافي زيينا
عيشي للحب و الهنا
تلاقي الحب جاي يضمك
كل حكايتك دي عارفاها
أنا ليه جواكي بأغلك
إنسيني و عيشي أيامك
دي حياتي كلها ما تهمك