أرضي أنا :
*********
الأرض أرضــــــــي أنــــــا
ورثتـــي ولأبني إديــتها
ب الفــــاس أنا حارســها
و أنا اللي عــارف قيمـتها
لا جيت في يـوم سبتــها
ولا حـــد جـــــه يميتــها
أنا ب قلــــبي عشقتــــها
و ف قلـبي كتـير محبتــها
و البنــت اللـــي خطبتــها
و قلبــي مـــال نحيتــــها
سـكن في قلــــبي حبــها
لوكنــت تعـــرف غـلاوتــها
كنت ب مــوت في قربــها
و سواد عنيــها و حـــيرتها
مال علــــيا الزمن وقتـــها
و عشان قراطين مـوفقتـها
أقــــدر أقــــول كـــرهتــها
لــــو تم البــــيع ساعتــها
لـــــــــو الأرض بعتـــــــها
تاكـــل منـــين حضــــرتها
اللـــــي يبــــــــيـع الارض
جاهـل ما يعـرفش قيمتـها
الأرض موجــــودة ما بعتـها
و ما شافت يوم ســعادتها
اللي عايز يعيش ف السما
الأرض ايـــــه لازمتــــــها ؟
لا شـافت تراب في السما
ولا كــانت هــناك زرعـــتها
كــــــلام كتــــــير انمـــــا
ما يهونش علـيا وجيعــتها
قـــلت بلاش منـها ملحـمة
و أحـــكي كتــــير قصتـــها
زرعــــت ف الأرض حــــبها
و شـايل فيـــــها ذكــــرتها
و هــــي دي أرضـــــي أنـا
اللــي صونتــها و حاميتــها
و كـانت هـيا دي المسـئلة
و هـــــيا دي حكـــــايتـــها
و مـش أنا اللي حـــرمتــها
أنت العــــالم ياربي بنيتـها
^^^^^^^^^^^^^^^
بقلم / رمضان العلالقة