جارى التحميل
استخدم زر ESC أو رجوع للعودة
أحلى حاجه
أحلى حاجه فيك يابحر
اللي جواك مستخبي
واللي ظاهر لينا سحر
عمري ما شفتك بتشكي
كل مايفيض بيا غدر
م البشر على شطك أجري
كل ما يغيب عني صبر
روحي ليك دايمٱ تاخدني
والحنين بيقول دا سر
وعمر ماموجك فضحني
لا جيت ف يوم حسيت بهجر
ولا قلت مره إنك ظالمني
أحلى حاجه فيك يابحر
إن كل مافيك حاسسني
بقلم /طارق شامخ عبد الجواد
مجلة همسات سندريلا مجلة ادبية شاملة تهتم بنشر ابداعكم فى شتى المجالات
