لو غبتي دقيقة بتوحشني
آمال لو غبتي علي ساعات
روحك جوايا بتحرسني
وبتحضني لو قلت آهات
عايزك في طريقي تكوني ضله
تحميني في كل الأوقات
قمرايا في ليلي تونسني
وتحكيلي أجمل حكايات
أسهر وياكي على همسك
على فرحك أو حتى سكات
يكفيني بس أكون جنبك
ترويني بأجمل ضحكات
ارويكي بحبي وحناني
تسقيني شهد الكلمات
حبك وحنانك يحييني
على مودك تحلى السهرات
يا أجمل زهرة في بستاني
أنا عاشق عطرك بالذات
على شانك راح اسيب العالم
ومعاكي تحلى الأوقات
.................
فارس الحرف/ابوعمرو القريشي