ماخداني على فين
ياخطوتي بكره

شايل همومي وماشي
ومعايه القلم والفكره

وأحزان وألم وشويه
جراح على ذكرى

ركبت الخطوة وانا صغير
ودتني بلاد وبلاد

ببراءه ونيه صافيه
على حبه شقاوة وعناد

لفيت كتير وعرفت اكتر
وشوش ضاحكه
ووشوش عكره

وكل يوم كنت أقول
يا ترى ماخداني على فين
يا خطوتي بكره

وفي سكتي شفت
كتير عجايب

وحده شابه
زي ورده مفتحه
بتحب شايب

سألتها ليه كدا
قالت فلوس
تحيي النفوس
وأهيني صابره

ومش عارفه لفين
حتوديني
خطوتي بكره

شفت صاحب بيخون
ودكتور كبير مجنون
وعشره في ثانيه تهون

وسطور كتير ف طريقي
كذب وخداع مليون قناع
وضحكه بيضه وضحكه صفره

وأقول يارب خليك معايه
صبرني وقويني وأهديني
لخطوتي بكره