راجع يا قلبى
-----------------------

راجع يا قلبى راجع....
راجع لحبايبك انا راجع....
راجع انا و انت سوا.....
راجع....راجع يا هوى....

****

راجع لعذابك و هناك
راجع لنارك و جنة هواك
راجع يا قلبى وانا راضى .....راضى بقدرى معاك
انا راجع ليه يا قلبى
بعد ما اتحرمنا الهنا
بعد ما سهرنا الليالى و تعبنا الهوى
راجع انا وانت سوا
راجع ....راجع يا هوى

****

بعد يا قلبى ما سبنا وراح
بعد يا قلبى ما ملانا جراح
بعد يا قلبى ما توهنا غربة انت و انا
راجع عشان ترتاح
انا راجع ليه يا قلبى
بعد ما اتحرمنا الهنا
بعد ما سهرنا الليالى و تعبنا الهوى
راجع انا وانت سوا
راجع ....راجع يا هوى

*****

لسه يا قلبى فاكر الذكريات
لسه عايش فى اللى فات
رغم بعاد السنين ..و وجع الانين
لسه يا قلبى بتحن ليه...
وكأنه لسه سايبنا من ساعات
هى الدنيا تبقى دنيا الا بيه
وحشانى ضحكة عينيه لما تحضن عنيه
وحشانى حنية ايديه لما تلمس ايديا
انا راجع ليهم يا قلبى
بعد ما اتحرمنا الهنا
بعد ما سهرنا الليالى و تعبنا الهوى
راجع انا وانت سوا
راجع ....راجع يا هوى

*****

راجع يا قلبى راجع....
راجع لحبايبك انا راجع....
راجع انا و انت سوا.....
راجع....راجع يا هوى....

كلمات نبيل زيدان