حصان مطلوق 
فاكرين ياجماعه لما الفرسه طلعت تجرى 
فى وسط الملعب 
والأطفال كانت لسه بتلعب 
والكل جرى واتحرك خايف 
ساعتها وانا مطمئنة ماكنتش شايفة 
غير أن الفرسه طلعت طلعت تتمتم بشفايف
عارفين الفرسه دى طلعت تجرى ليه 
عارفين الفرسه طلعت طايره ليه 
طلعت تقولكم مبروك افتحوا قلبكم للحب 
المطروق 
ده الحب حصان وحصان مطلوق 
عارفين ياجماعه صحيح انا فرسه 
بس بحب الحب ونفسى اعيشه 
وببقى سعيده لما حصانى 
بييجى جنبى وياكل عيشه 
ببقى عايزه أخرج واتمخطر 
بجسمى ،بجسمى المليان 
وبجلدى جلدى العريان 
وبدون مكياج ولا ألوان 
واصرخ واقول انا فرسه 
انا فرسه ونفسى أحب ونفسى 
أحب حصان 
عارفين ياجماعه انا يوم ماجريت 
انا كنت من ريحة الحب اللى جواكم 
ادفيت واتحريت فجريت 
والكل افتكر دى غلطة سايس 
لكن حقيقى من جوايا انا كنت بسايس 
كده عرفتوا الفرسه طلعت تجرى ليه 
كده عرفتوا الفرسه طلعت طايره ليه 
طلعت تقولكم مبروك افتحوا قلبكم للحب 
المطروق !!!!!!!!!!!!
الحب حصان ،،وحصان مطلوق 
إقبال النشار