مجلة شعراء الاحلام ونجوم الاقلام الالكترونيه (رقم2) رئيس مجلس الاداره الشاعرفرج البراهمي

السما بتمطر ترانيم
وتعيط افراح وسعادة
ف الصورة مقاتل نال تكريم
علي كل الابطال بشهادة
انا شايف جنبه كتاب الدين
وشوية تسابيح وعبادة
وملايكة ومسك وبعض حاجات
مش ممكن تحصل ف العادة
---------------------------------------------السما بتنادي الابطال
تحضن في ألمنا وفرحنا
ما تعيطيش يام..البطل
ابنك في جنة ربنا
في الحرب كان أشجع ولد
ضحي بحياته لاجلنا
يا جيش تعيش طول الزمن
أرواح ولاد مننا
-------------------------------------------------
الروح وطارت للسما
مع جندي من وصف الملايكة
ولا فيش هناك غير ال لهنا
ولا باب عبور اسلاكه شايكة
ف الجنة خير وسرور وحور
الجنة لشهيد الارادة
حان للسما تفرح اوي
وتبوح باسرار السعادة
-----------------------------------------------
مليون تحية للشهيد
مليون تحية للبلد
يا هم احوالنا العنيد
ورق الشجر عاوز المدد
يا مطرة حني ع الولاد
واسقي في جنتهم شموع
وف مصر رخي علي العباد
بحرصبر علي الدموع
  • #فتحي نجم
  • المصدر: #قصيده بعنوان (السما بتمطر ترانيم )للشاعر المبدع فتحي نجم
    • Currently 0/5 Stars.
    • 1 2 3 4 5
    0 تصويتات / 70 مشاهدة
    نشرت فى 22 أكتوبر 2017 بواسطة sanaakandile

    عدد زيارات الموقع

    8,392