كتاب السويس
.....................
البسى جديدك يابلدى
زينى كل البيوت
هل عيدك قوم ياولدى
قوم وغنى بأعلى صوت
أحتفل يا أبن السويس
وأفتكر دايما شهيدك
أن كان أحمد أو موريس
اللى خلا اليوم دا عيدك
ياسويس أقرئى كتابك
شبعى منه رضيعك
أحكى عن عزم شبابك
اللى قال أبدا مابيعك
أحكى ليهم فكريهم بالصغار
اللى رفضوا يستخبوافى الديار
اللى كانوا لأنتصارنا أول شرار
اللى قالوا دا الهروب راح يبقى عار
أحكى عن بطولات ولادك
أحكى عن جيش المقاومة
اللى ساندك يوم جهادك
اللى مرضيش بالمساومة
أحكى ياسويس وقولى
أحكى عن صبر الولاد
أفرحى وغنى فى عيدك
دا التاريخ كتب الميلاد
................................
بقلمى :
حسن يونس
شاعر الزمن الجميل