قصيدة : (( جدل الدجل ))
عينى عليك برده
واللعب ع المكشوف
بخر كده صدقى
واوهمنى بالمألوف
اقرالى كف الوجع
ما انت المداوية
يبهرنى تحليلك
تحلا - لك الغية
ورينى ف الفنجان
اللى ماهوش ليه
افتحلى انا المندل
عبى ما انا الجردل
شالله يا شيخ مغلوب
ما انت الإمام المتع
عترة وفلة وجدع
أخطب يا ابو ليه
صابحة ماليها اتنين
صابحة من النجمة
شمس الشموس السود
صابحة المرة الغالية
ليكى الحلاوة كتير
اشجينى يا ولية
رصى الودع واضربى
حليلى يوم حظى
ف عرضك ارجوكى
حلي - نى من همى
على شط بحر الشوق
شوفى بقه رملى
يمكن انا معشوق
والود كان ودى
قدرى أهو بإيديك
أفرح ومين أدى
والعيب ماهوش عيبك
العيب على خيبتى
عينى ماهيش شايفة
يخفيها ضى حجاب
وان كنت انا خايف
البسلى بس حجاب
يحمينى من حسدى
ألقى الشرور ف سراب
لو خفت مش هغلب
خرازية تحمينى
أو حتى عين زرقة
تخزى عدوينى
أو حتى عين زرقة
تخزى عدوينى
.........................................
