جارى التحميل
استخدم زر ESC أو رجوع للعودة
#زقاق
كل إما أعشقك في زقاق
يتمد ويمدد
يصبح أوام شارع
و أرصفة
و إشارات
و الزحمة ع الآخر
جرس المزاد بيدق
بألف لمبة نيون
بينادي ب أوكازيون
عدسات ناقصها جراب
وعيون ل نضارة
والعسكري الأبيض
رافع دراعه شمال
بزعيق و صفارة
وأنا الفقير ديما
بسكن ف ضيق حارة
وبحب علي قدي
و أستعفي علي نَفسي
بشهيق في ضهر زفير
لما بكون بردان
مقدرش أكون أكتر
ف أتوه في قلب ميدان
خليني علي بعضي
ممصوص أوي عضدي
يسترني كم قميصي
أحسن ما ضعفي يبان
#محمد_صبري