(الوجع)
=========
الوجع
كلمة منقوشة فوق ضهر الزمن
والألم
مكتوب ومتسطر فوق
جبين الجدع
ولساني بقول الآة من قلبي
مين حسها فيا
أحلامي بسيطة مش صعبة
وماليش في الدنيا دي غية
عايش فيها وحداني
ومين غير رب يرعاني
---------------------
ولساني بدوس علي 
الأرض بأقدامي
ومن ضمن أحلامي
وظيفة من المحنة تعديني
تأكلني وتحميني
تكفي اللقمة والهدمة
ولما أتعب تداويني
ولسة دموع العين بتكويني
بتنزل ع الخدين تعزيني
لماولادي ينادوني يحايلوني
هناكل ايه ؟؟؟
ومش عارف أرد بأية
ولا في أديا حتي جنية
مافيش حل يكفيهم
وأشوف الحيرة في عنيهم
تعاتبني علي بكرة
وكأني أنا الجاني وبأظلمهم
ياحلمي لية صبحت حروف
مشنوقة؟
ياضحكة فين انتي
حتي البسمة مسروقة
----------------------
ولساني عايش في
 بيت محدوف
وكل حطانه مشروخة
وينزل فيها المطر بشد وف
ولساني بلحا ف الأمل ملفوف
ببدل ضلمتي بشموع
وبكتب ع الورق ف حروف
وراضي بقسمتي وحالي
................................
ولساني عايش وأناملهوف
وبارفع أيدي للمولي حنين ورؤف
يمكن في دعايا يسمعني
وبأشكي وإيدي مش طايلة
يارب رحمتك واسعة
فوسعها علي الملهوف