جارى التحميل
استخدم زر ESC أو رجوع للعودة
@@ بنورة الساحر @@
____________
يالسان ساحر
جوه الصوره
بنورة فى وش السنيوره
مبهورة بكلام منقوش
على وش الميه العصفوره
طايره ... حايره بين السحره
وخاطفها علي طول
م الصوره ...
ساحر ومعصب تعصيبه
سوده وكئيبه ...
عمال في الاحلام يتحنجل
عم حدنجل ...
ماتقولي وفك التعويزه .....
ده شيطان ياعيوني
هنا ساكن ..
في مغارة
وقلب الاموره
وسناره رماها بطول ايده
شبكت على طول فى العصفوره
ساحر وايديه على طول طايلة
جني وحاوي هنا ومخاوى
ابعد اجري ربك حامي
وبنصحي بنلاقي منامنا
هنا قدامنا ...
طالل من شباك قدامنا
علي حته واد انما مجدع
عنوانه شهامه ورجوله
يامحني ديل العصفوره
احلامي لسه صغيوره
على سقف سماها
راح اغني .....
واتحزم وارقص تنوره
وشاغلي... بصورته
بالي.... وفكري
امتى البس توب الاموره
واتكحل على عينى ورمشي
وكسوفى يحمر لى وشى
والقاني علي زفه بتجري
حلمي اتحقق
من غير الساحر ابو بنورة
..............
بقلم .....
سناء السيد قنديل
٣٠/٤/٢٠١٦