مين لسه فاكرنى
     ..............
مين لسه عايش وكان معايا
وسط النار والشظايا
لما كرامتنا انداست وانطحنت
بين كفوف الرحيا
لما اهنى عدوى ورخص تمنى
وكمان أخويا ويايا
غلط عنتر وقال أنا الزعيم
ولما اغلط الكل فدايا
وقعت سينا أسيرة الخطأ
ومين دفع التمن إلايا
جه يوم نرجع فيه عرضنا
وبعد تغيير الولايه
عبرنا الهزيمه وصححنا التاريخ
وأصل الحكايه
خدت وسام من بلدى .. لليوم
لسه عايش فى دمايا
شظيه بجسمى كل يوم 
تفكرنى بأيامى وصبايا
دفعت التمن غالى من دم عمرى
والفرحه جوايا
لسه عايش على أطلال أمجاد
مزروعه بحشايا
بقت مجرد ذكرى وأغنيه
ويوم بيعدى بسهرايه 
بقلمى
صبرى عباره