أنت سيناء ..
....................
حسى بينا ... وقربينا ..
أنت سيناء ..
أتقابلنا ... يوم ما كنا ..
فوق طريق ... غربة سنينك ..
عارفة أمتى .....؟؟
يوم ماشديتى .. حروفى ..
.. تمحى خوفى ..
غربة الليل الحزينة ..
وأتقابلنا ... يوم ماكنا ..
كنت يومها .. جاى من ريفك ..
جايبلك .. شال قطيفة ..
فية نجومك ..
كنت يومها .. عسكرى ..
بشريطة واحدة ..فوق دراعى ..
كان يوميها حلم بكرة ..
فى قلبى ساكن ..
جوة منى ..
يوم ما حررتك .. رفعتك ..
أسم غالى ..
يوم ما رفرف ..فوق رمالك ..
علم بلادى ..
يوم ما باركتى وصولى ..
كنت مينا ..وشط غالى ..
وف خيالى ..
وأتقابلنا ... لما كنا ..
النهاردة .. الزمن غير ملامحك ..
لما طال جرحى ... وجرحك ..
رجعينى لشوق حنينى ..
حتلاقينى جنب منك ..
وارفضى اللى باع ترابك ..
اللى خانك ..
واللى ملهوش ف إنتماءك ..
قربينى لسة فاكرك ..
عمرنا .. مانسينا عهدك ..
أو نسينا ..
دم أخويا اللى ف رمالك ..
وأنت سيناء .. يوم ماجينا
.. لجل مانحرر ترابك ..
رمل سيناء ..
منهُ لله اللى خانك ..
واللى ملهوش .. فى انسجامك ..
قربينا لجل بكرة ..يكون نهارك
..حتلاقينى ..
جنب منك .. لسة فاكرك ..
وأنت سيناء ..
.........................
فارس الكلمة ..
حسن السحماوى ..