غيبوبة .....رمزية بالعامية المصرية ..للشاعر سميراحمد القط

كنت زمان بتمنى اجازة .. بتمنى حيازة .. فيها اتحرر م الاستاذة .. اخرج والعب ... وامشى اتشقلب ..فى دنيا براح مش فى قزازة واما كبرت وابتدا مشوارى . .شفت الليل بقى فى نهارى ..شفت العوزة . .وناس ارجوزة .. اهبش واجرى وانسى ضميرك .. لو مش عاوز فى ناس غيرك .. تسرق تنهب .. تخطف تهرب .. تسرق فرحة جوه العين ... تسرق حق .. وحقك فين .. ماانت خلاص فى الدوامه .. ميت طوق او عوامه .. مش هتخلص ... او تتملص .. ويا حيتان تنهب ضلك ... تنهب منك .. اصل خلاص الحق اتشقلب .. ويا حرامى يديك مقلب .. راح العلم ويا الحق .. ويا حرامى طريقه انشق .. واللى اخدته جوه كتابى .. بقى شئ حابى ... ضاع ونسيته ... لو حبيته .. ابقى غريب او دحلابى .. ودارت ساعة ... بيان فى اذاعة .. بعلن فيه بزوغى لفجرى ... وكله بيجرى كله بيهرى عاوز حقه ... وغيره بيحقد حاطط نَقُّه.. كله بياخد من غير رد .. وكله بيبنى مليون سد ماتت فينا دموع بالخد ... حتى الجد .. ضاع وارتاح ... اما العقل ياسيدى براح ... شم وتوهه .. او برشام .. ويا سيجارة وكتير خُدام .. وشيخ بيحلل.. وغيره حرام .. ولما نشاهد او نتفرج .. للى بيدنب واللى يهرج .. واللى بيرسم دوره صحيح .. واللى كلامه بيضيح فى الريح .. واللى يكذب واللى ينافق .. واللى مسبسب او مترافق .. واللى فى غيبه واللى زكيبة واللى كلامه درر تسابيح ... ضاع الحق .. او لسه شوية ... ...ناقص هزة تيجى بريح ... حزن جراح .. او تفاريح ... وتيجى من تانى ... وبعد سنين .. او حتى ثوانى ... مهما ان كنت او بتعانى .. اطلب ...واشرب .. وبلاش تغضب وياريت تلعب .. او اتحرر ...او اتغرغر ... وانفض جسمك ... وارسم رسمك ... ماانت خلاص بقيت فى اجازة .. بقيت فى اجازة سمير القط