برطمى وأدى التحية 
واشفى روحك يا حبيبتى 
إنتى قاتلة مش ضحية 
واغزلى نفسى اللى خارج 
من ضلوعك 
بندقية 
الحيتان ف الحب تبلع 
ألف مارد 
والجنوح ترفع حلاوتك 
فوق سيوفى 
بالسواعد 
ننفصل سنة وخوارج 
والربابة تذيع سيرتنا 
فكل زقة 
وع البوارج 
رمية واحدة وحشى صابها 
والندم خلاه بيحلم 
بالشطوط 
لحظة كان الليل بخيم 
والمحبة عنكبوت 
برطمى واحنى الرؤوس 
أى راية فى وقت قرب 
كالفانوس 
أدخلينى نور بشق 
واخلصى من كل لأ 
فضفضى الحب المؤكسج 
ف خلايا القلب يعطس 
الرموش العاشقة نخلة 
تمرها يحيى التنفس 
زملينى بوجد صافى 
احتمى منى اليكى 
الرواية عايزة قافلة 
أونسيبها يفسروها 
بين عنيكى