ياللى بتسألني ..وسؤالك ياما جنني ...
ليه بتكلمني ع الحارة والاوطان ...
مش عايزك تظلمني .. .قالولنا زمان ...
عاوز تبقى وطنى ...أرقص لو عريان ..
طبل ..هبل غني .. واعزف الألحان ....
واضحك لما تبكي .. وقول مش زعلان ...
خليك دونكى ومانكي ... طظ في الإنسان....
إياك يوم تشكي ....وتقول أنا زعلان.....
وقول تعبان م التخمة ف بطني ..
ماتقولش في يوم جعان ... ومحتاج زكا رمضان...
الوطنى الجد يجوع ..ويموت ويقول شبعان .... 
وإن عاش يعيش جربوع ...وإن مات يموت مصروع ..
وكله فدا الأوطان ...وزعيمنا يعيش فرحان .....