علي شاب في منتصف العقد الثالث من العمر يمشي هو ورفيقه الجديد يمسك به ويتكأ عليه كي يساعده علي عمله الجديد 
كان قبل الحادث موظف بشركه قطاع خاص يعمل كمندوب مبيعات كان راتبه ليس بالكبير لاكنه يسد احتياجاته خصوصا وانه تزوج واصبح اب لطفلين
في ذلك اليوم المشهود الذي وقع له فيه ذلك الحادث الاليم
كان يسير بين الناس يعرض عليهم ماتبيعه شركته من منتجات مستورده
من بلاد الصين صاحبه السور العظيم
تتنوع بضاعته كل شهر مابين اقلام بجميع انواعها ماكينات حلاقه كشافات اضاءه تعمل بالبطاريه 
كان قانع بتلك الوظيفه 
رايته اليوم وانا جالس علي احد المقاهي انتظر احد اصدقائي لنسوي امر شراء قطعه ارض لصديق اخر
لاكن مابه اراه ينحني بصعوبه يلتقط علب المشروبات الغازيه ويضعها في شنطه بلاستيك في يده الاخري ناديت عليه ياعلوه ازيك ايه اخبارك الف سلامه اقبل علي وهو يتحامل علي عكازه وينظر الي الارض قالي بصوت لايكاد يخرج اهلا بحضرتك
قلت له ايه اللي حصلك قال لي حادث
لا لا الف سلامه لم اعلم والله يا علي 
قالي من سنتين 
وبتعمل ايه بالعلب دي
قالي لي ببيعيها 
استغربت وشغللك
قالي طردوني
قولت يعني الشغله دي مربحه
قالي ده رزق
بلمها وابيع الكيلو بسبعه جنيهات
قلت له يعني بتكسب
نظر الي بدهشه وقال بتكسب
يعني كل يوم بعد هده الحيل ممكن خمسه عسره جنيه او عشرين اعمل أاكل بيها عيالي اي حاجه والباقي بيدبر من اهل المعروف
قلت له قص علي ايه الحكايه يمكن اقدر اساعدك 
علي اه انا تعبت ياعم من كل شويه اقول للناس حكايتي منتظر منهم المساعده الانسانيه واحد بيساعد وميه لا شوفت بقي الانسانيه وصلتني لايه بشحت
يعني هي جت عليك هاحكيلك
انت عارف اني كنت سريح ااقصد مندوب مبيعات الكلمه المتزوقه بدل نانقول بياع سريح
وبدأ يقص وانا استمع اليه
قال كانت الدنيا ماشيه يوم شمس ويوم ضله والحمد لله راضيين ومستوره
الي ان وقع له ذلك الحادث في احد الايام صدمته سياره كانت تسير بسرعه وهو واقف علي مقهي يعرض بضاعته علي الزبائن كان منهمك في شرح مزايا مايبيع لم يشعر بنفسه الا وهو في المستشفي لايدري كيف نقل 
لاكن ساقه تؤلمه بشده 
يلتفت حوله يجد. زوجته واخوه
كيف حضروا وعرفوا
سئل اخوه كيف علمت بما حدث لي
اخوه استرح لاتتحدث
لقد اتصل احدهم من موبايلك بزوجتك
وهي اخبرتني 
فاسرعنا الي هنا
علي قدمي تؤلمني
الزوجه اطمئن بسيطه
ننتظر نتيجه الاشعه
علي اتصلي بالشركه 
علي :اين شنطه الشغل البضاعه 
الاخ: اطمئن هي في المقهي سوف اذهب لااحضارها
علي عندما يأتي احد من الشركه ابقي سلمها ليه مع ايراد المبيعات ربنا يسترها
الزوجه ريح نفسك
تنادي الزوجه علي ممرضه تمر في الغرفه
ماتعرفيش يااختي نتيجه الاشعه
الممرضه الدكتور هيمر ومعاه الاشعه ويطمنكم
علي لااخوه لسه محدش جه من الشركه
الاخ يقول في نفسه شركه ايه دول اولاد جزمه المهم شويه الكراكيب بتاعتهم اه لو تعرف ان الكراكيب بتاعتهم اهم منك 
علي لااخوه انت سرحان في ايه
الاخ المهم تقوم بالسلامه
علي في الحاح قالوا ليك ايه
الاخ قالوا اللي قالوه ياعلي
علي يعني ايه مش هيئسلوا فيه
الاخ المهم انك تقوم بالسلامه
الدكتور يدخل الحجره وهو يطالع صور الاشعه متجها نحو سرير علي
استاذ علي انت محتاج عمليه تركيب شريحه وكام مسمار بس بسرعه
علي ياساتر يارب ومستني ايه يادكتور نعملها
الدكتور المصاريف
علي يعني ايه دي مش مستسفي حكومي 
الدكتور مشاء ذاكرتك قويه 
المسامير والشرائح علي المريض والعلاج ومصاريف الجراح السرير بأجر رمزي
علي فاغرا فمه هه
الله اين العلاج المجاني
الدكتور لازم تروح تجبب علاج علي حساب الدوله 
علي :يعني انا كنت عارف اللي هيحصلي
لو اعرف كنت حضرت القرار في جيبي اول مايحصل ليه حاجه اطلعه علي طول
الدكتوى ده القرار اللي معمول بيه
علي طيب. ورجلي تبوظ علي ماطلع القرار
الدكتور ممكن تدفع وتسترد
علي ازاي انا ممعايش
الدكتور مش عارف اقولك ايه
الاخ يتدخل هو والزوجه انفرادا بالدكتور بعيدا عن علي
الزوجه هتتكلف كام يعني يادكتور
الدكتور معرفش الجراح اللي يعرف
الاخ طيب ونقابله ازاي 
الدكتور تروح ليه العياده
الاخ في اي دور في المستشفي
الدكتور فهمتني غلط
عيادته الخاصه تروح تتفق معاه علي اجر
العمليه عشان يطلع ليك قرار العلاج علي نفقه الدوله 
الزوجه هو مش شغال في المستشفي
الدكتور اه طبعا 
الاخ يبقي هياخد اجر علي ايه هو مش موظف حكومي
الدكتور هو ده السيستم المتبع
الزوجه نروح امرنا لله هات العنوان
الاخ ياخذ العنوان ويتجهان الي داخل الحجره
علي يراهم من بعيد قادمان يظهر علي وجهه التعب والقلق يبادرهما ها عملتوا ايه 
الاخ كل خير 
الزوجه : هبيع دهبي ياعلي
علي ليه
الزوجه فداك المهم تقوم بالسلامه
الاخ الدهب ممكن مايكفيش انا هنزل اتصرف من اي حد 
المهم تعمل العمليه بسرعه
هنروح انا ومراتك لعياده الدكتور نتفق معاه
علي علي ايه 
الاتنين في صوت واحد علي اجره ايده والمسامير
علي يضحك ضحكه باهته ويتكلم بصوت خفيض المسامير اه نسيت ناقصه المسامير بس اوعوا تغلطوا في المقاس ياريت تكون مخ طاسه اه يادماغي
في عياده الدكتور المشهد المعتاد في كل عياده
كل ينتظر دوره
الممرض يجلس علي مكتب في صداره مدخل العياده 
المكتب صغير ومازاد من صغره الممرض بهيئته الضخمه ولباسه غير المتناسق 
الاخ عايزين نحجز كشف 
الممرض من المريض 
الزوجه زوجي بس مش هنا في المستشفي
الممرض مش تقولوا كده 
عادي ولا مستعجل
الزوجه مستعجلين يااخويا
الممرض المستعجل 300 جنيه والعادي ١٥٠ جنيه
الاخ هننتظر الدور 
واخرج من جيبه النقود والقاها علي المكتب كأنه يقول بالسم الهاري
الممرض يكتب بيانا ت المريض
هو اسمه ايه وكام سنه
الاخ يملي البيانات 
الزوجه والنبي ياخويا ابقي وصي الدكتور علينا
الممرض ماتقلقيش ياستي الدكتور بتاعنا انسان اوي ابو الانسانيه حقيقي
الاخ واضح فعلا ابو الانسانيه
يمر الوقت ثقيلا عليهم ينظرون الي من حولهم من المرضي
كانت تجلس بجوار الزوحه امراءه كبيره تمسك في يدها ظرف كبير واضح ان به اشعه
الزوجه الف سلامه عليكي ياحاجه 
المراءه الكبيره الله يخليكي يابنتي
مش انا ده جوزي وقع وهو داخل الحمام
كبر بقي الحوض اتكسر 
الزوجه وليه مجبتيش سباك يغيره 
الست الكببره تضحك وتقول ياريت كان الحوض بتاع الحمام اللي اتكسر ولا شفنا المرمطه دي ده حوض الميه بتاع جوزي يابنتي عايز مسامير
وهو محجوز بقاله اسبوعين وداخيين علي قرار ولاد الحلال قالوا لينا علي الدكتور ده هنعمل ايه
الزوجه هو مالوش تأمين 
الست الكبيره كان ارزقي يابنتي والعيال هم اللي بيصرفوا علينا دلوقتي 
الاخ يتابع الحديث من بعيد وهو صامت 
يتأمل في بروايز معلقه امامه علي الحائط كلها بالانجليزي الظاهر انها شهادات الدكتور وصوره لتابلوه قديم لطبق فاكهه
بعد مرور ساعه يحين عليهم الدور
يدخلون الي الطبيب
يقول ليهم مين التعبان فيكم بيشتكي من ايه
الاتنين في نفس واحد كلنا تعبانين يادكتور 
الدكتور من ايه 
الاخ بصوت داخلي من الانسانيه
الزوجه زوجي حصلت ليه حادثه 
ودي الاشاعه وعايز عمليه زرع مسامير وشريحه وهو في المستشفي بتاعتك
الدكتور مبتسما مش بتاعتي دي بتاعتنا كلنا معاذ الله احنا بنحب نخدم الناس الطيبه
الاخ ينظر اليه بغيظ ويحدث نفسه اه ابو الانسانيه باين علي وشك انك انسان فعلا
الاخ عايزين نعرف الاتعاب وتكاليف المسمامير وربنا يجعل الشفا علي ايدك
الدكتور انشاء الله اطمئن 
بعون الله هيبقي زي الرهوان 
المهم تلحقوا تطلعوا القرار هكتب ليك جواب القرار اللي هتاخده وتروح بيه الوزاره
وانت وشاطرتك بقي في الوزاره تطلعوه في يومين اسبوعين شهرين
الزوجه يعني ايه يادكتور
الدكتور دور ليك علي معرفه اي سكه تسلك نفسك 
الاخ اشوف يادكتور انشالله اي حد ياخد فلوس
الدكتور فهمتني
الزوجه متعرفش حد يادكتور هناك
الدكتور هديكي كارت للاستاذ العناني هو راجل بيحب يخدم بجد ابو الانسانيه
الاخ انت يادكتور رجل خدوم
الدكتور نرجع بقي للاتعاب 
انا باخد ١٥ الف جنيه اتعاب يكونوا عندي قبل ماادخل العمليات بيوم عشان اقدر تجهز المريض قبلها وانزل اسمه في كشف العمليات
والمسامير والشريحه هبعتكم لشركه معرفه هتكرمكم في حدود ٩ الاف جنيه وكمان الادويه عليكم احنا علينا اوات الجراحه والذي منه 
الزوجه الذي مني يعني ايه يادكتور .
الدكتور البنج 
الاخ يادكتور كفايه الانسانيه بتاعه حضرتك مفعولها اكتر من البنج شفت الهدوء اللي احنا فيه من انسانيتك
الدكتور لازم كل واحد يعمل اللي يمليه علي ضميره وده الواجب تجاه مهنتي
الاخ يطالع الجواب الموجهه الي الوزاره يندهش انه خارج من المستشفي وختوم بختم النسر وامضاء مدير المستشفي لايصدر اي تعليق الا وهو يعطي الجواب لزوجه اخيه ويقول لها شوفتي جواب الانسانيه طلع رسمي اوي ازاي
ثم ينصرفا
في الطريق الي المستشفي 
الزوجه للاخ وبعدين الدهب يدوب جاب عشره الاف
الاخ انا كلمت زميل لي وعدني ان يقرضني خمسه الاف 
يبقي عايزين كمان عشره الاف
الزوجه هنعمل ايه
الاخ ذهبت الي عمله وقابلت صاحب الشركه قال لي هذا راتب شهر هو الذي في رقبتي نحوه وتنصل من تحمل اي اعباء اخري واخذ البضاعه 
الزوجه اي راتب الالف ومائتي جنيه كان يدور طوال النهار يلف علي اكعاب رجليه اه
الاخ هتتدبر باذن الله 
مافيش قدامي غير اني اروح لعم ابو حارس السمسار استلف منه باقي المبلغ بكمبيالات وبياخد نسبه
الزوجه يامراري الطافح هنستلف بالربا
الاخ عندك حل تاني
الزوجه منكسه الراس وهي تتمتم الانسانيه 
في اليوم التالي قاما بزياره علي وطمائنته 
وذهب الاخ الي الوزاره وتعرف الي ذلك العناني صاحب الكلمه المسموعه في الوزاره
وطلع القرار في اسبوع بعد ان لهف المعلوم
لاكن المشكله التي قابلته شراء المسامير 
اكتشف ان السعر غالي جدا مما حدده الدكتور
لقد ارتفع السعر وقفز بسبب الدولار والاستيراد ما العمل اذن
قص المشكله علي زميل له 
قال له سوف اعرفك علي شركه تخص صديق يعمل في شركه تستورد تلك الشرائح سوف يخدمك لانه طول عمره جدع وصاحب صحبه وبيحب يخدم لوجه الانسانيه
الاخ في صمت بينه وبين نفسه يادي الانسانيه
اتصل الصديق بذلك الرجل الذي يعمل في تلك الشركه
الو ازيك ياريس اخبارك
عايزك في حاجه منها خدمه ومصلحه
طيب انت بكره شغال هجيلك انا واخ عزيز عايزين شرائح ومسامبر لااخوه 
ثم انهي المكالمه وتوجه الي الاخ قائلا
قضيت ياعم بكره نروح نجيبهم ولايكون عندك فكر
في الصباح التالي ذهب الاخ والصديق الي تلك الشركه
دخل الصديق اولا وجعل الاخ ينتظر بالخارج امام باب الشركه
شاهد الاخ الصديق من وراء زجاج الباب الامامي يتحدث مع شخص
الصديق للبائع داخل الشركه ده صحبي اخوه اتعور في حادثه والميتورد سئل علي طلع غالي طبعا انتم عندكم مضروب مصري 
البائع بس ده بيعمل مشاكل بعد كده وبيتعب اللي بيركبه وبيصدي بسرعه 
الصديق الدكتور اللي بيركب بكتشفه 
البائع لا لا ابدا بس في دكاتره كتير بتتعامل معانا وبتبعت زباين وبتاخد نسبه
الصديق فل عليك وده المطلوب النسبه العموله اوعي تنساني ياصحابي ظبط قبض قبل الزبون مايطير
البائع مش بتقول هو صاحبك
الصديق ضاحكا صحبي في الانسانيه زيك كده الظبط
اشار الصديق الي الاخ ان يدخل 
تم شراء مايلزم للعمليه والانصراف
ثم تم عمل العمليه لعلي
وبعدها علاج طبيعي
ومن يومها وعلي يلف متكئا علي عكازه صديقه الذي لم يتخل عنه او يشكوا انه تعب من اتكاء علي عليه لانه اوفي من بعض الناس ولديه انسانيه اكثر منهم