مين فينا حي ومين فينا مات 
مين فينا روحه تتحدى السبات 
طعم الالم لو زاد يخون
طعم الجروح بالف معنى والف لون
واحنا اللى لسه فى الدروب
عايشين بيقتلنا السكات 
ليه البشر زى الشجر متجمدين
ليه الاسية هى عنوان السنين
ليه الجفاف شادد عزيمته فى القلوب 
لو فينا دمع او فينا جرح 
نرفع شعارات الغروب
والدم فينا زى الحديد 
والنبض خافت فى الوريد
ليه السكك لساها ضلمه 
ف العيون رغم الشموس
ليه المشاعر اختفت
والروح بتتحداها النفوس
ليه وشوش الحق غابت عننا
ليه الجذوع جفت على اغصان الشجر 
ليه الفروع عفت عن الشهامة والمطر
ليه كل ايد شايلة الوليد ولا تفهمه
ليه كل سيد تخاف تعارضه تكلمه
ده احنا بشر من نبت ادم والسلام 
ولا بغتفر فينا الجهالة والظلام 
والحق صوته هانعلنه ضد الخيانه
ضد الحروب ضد الهروب
ضد الاباحة لدمنا
رغم السكات رغم المهانه
مين فينا حي ومين فينا مات 
مين فينا روحه تتحدى السبات