وفى كل شارع
و كل حارة وفى كل بيت
بلمح عيونك والمس نهار الشوق
فى كل شجرة وكل غيط
بشرب كؤوس الحب
وعمرى ما ارتويت
بعشق سهادى فى ليلك انت
مهما ابعد او مشيت
بعشق ادان الفجر
ورغم كل المستحيل
برفض شطوط الهجر
والجسد العليل
وبالاسية وبالعذاب
اتمرمغ فى حضنك
واشتكى واشتمك لكن
كيف اخون حبى
وعشقى ليك
مهما كتمته او دريت
مهما خطوط الجرح
بتعلم فى جسمى
مهما حروف الفرح
ناسيانى باسمى
انا العاشق انا الهايم
فى حضن حضنك
فوق شفايفى غنوتك
وفى الوريد سكتك
وعرش ملكك جوه قلبى
مهما جوعت او عنيت
بفرد ايدين الحب لضوء نهارك
بعشق عيدان الصبر
واتحامى بسمارك
واقول يامصر انت حبى
وحبى ليك هو سرى
مهما قلت او حكيت
بتاريخ 19/11/2015
