ظلمى ليكى مش هواية 
أو غواية 
حاسس انك طالبة منى 
أكون حكاية 
يتلقيها الواد ف قهوة 
أو ف ملهى 
أو صالون 
خايفة منى أكون بأدن 
أو بألف ع القانون 
ليه رؤيا ودمع غالى 
وقلوع بتمخر ف العلالى 
وانت ساكتة ف صمت ميت 
للى صارخ واللى عيط 
هيه شهوة مد إيدى 
عارفة كيدك 
لما باغرق جوا منك 
ابقى صيدك 
ليه فيكى طول وعرض 
وانتفاضة قلب حب
وروح وفرض
كنت شايلك جوا منى 
أو ف ننى 
افتحيلى الباب وزنى 
زى نحلة واشربينى 
طلعينى شربة شافية 
دفى بيها قلب حاسس 
بالشتا ينخر ف عضمه 
سهل هضمه 
يالله خلى ظلمى ليكى 
يبقى عدل 
والندى يلمس ملامحك 
يطرى قسوة عارضة فيك 
أو يسامحك
كنت ليل بيعض فيه 
والسهر بيقيد عنية 
والضحية 
قلبى ليكى 
روحى فيكى 
والحياة من غير وجودك 
حرف ساكن 
والأماكن ساقطة منها 
اسمها 
والنوتات بيجر فيها 
لحنها 
لسه بارفض راسى فيكى 
تنحنى 
أو ينتنى شوقى اللى جامح
كنت مهرك فى السبق 
والنبأ خدنى لفوق المستحيل 
ميلت لكن 
حبى ليكى كان دليل 
ما اعرفش اكون لك 
زى واحد م العبيد 
متربى فيه من طفولتى 
الند ليكى متحنيش 
طاووس بيعرف مهما يحصل 
ازاى يعيش 
راسه مرفوعة لفوق
لو جمر حبه 
ولعه ناره بشوق 
الميزة فيزة ومركبة 
دارسة العبور 
والظلم ليكى عدل ليه 
وف طريقك شمس نور 
تدينى حبة من فراتك 
أعشقك 
وابقى ف إديكى ألف حور