فارد عرشه فوق أراضينا
بيستغبانا
بيصرع فينا
بيشرب كينا
بيستدعينا
من كليوبترا لحد ما تخرج
بعدك مينا
كأن الوانه فى اللوحة
بتسريحة لموناليزا
وتعويذة بتطرح ليل
بيغلى ف قدره تفاحة
أكلها ابونا م الأول
ولو طول بلا توبة
يطول شرحه
بميت رشاش
وسرب جراد
وألف سفينة فى الاسطول
لان الكاس وتعميرته
تخلى الصاحى متخدر
ويتمايل على عيدانه
كما المسطول
يبان لينا على عرشه
ملك قرشه
ولما يزيد ف مرجحته
يزيد هرشه
ونفضل لعبة ف شباكه
واملاكه جحور حية
بيتخرج بجامعتها
أصول شاربة غوايتها
وتزيينها حبال ما تخرش المية
تبان ف الصورة غلبانة
وشقيانة
وتوب مرقوع بميت غية
مع انا والغباء طافح
فى وسط الصورة أقوية
وهو جناحه متهشم
ومتكرمش كأنه بينا يا ولداه
تقولشى ضحية
