وحلم يضيع مع العتمه 
في وسط دروب
سنين عشناها تجرحنا 
قدر مكتوب
تموت الضحكه جوانا
شروقها غروب 
ما بين آهه وتنهيده 
مفيش مهروب
ياليل العتمه فين نورك
كفايه كروب
علي جراحي تعدي تفوت
وأبات مغلوب
وأقول بكره أمل تاني
هيشفي قلوب
وب أستني لطاقة نور
تلف تدور ف بستاني
تجيب وياها لو فرحه
بلاش تفضل معنداني
بقلب جريح داويت مجاريح
ما عاد ويايا شئ تاني
وأعيش بالصبر يدوايني
أمل جوايا يحيني
ويمكن بكره أكون غالب
ومش مغلوب