لو هاتكسينى ها احبك
وانشرك بين الضلوع
فايحة زى ورود بهية
وزى شموس يسين
والشموع
مسكها من روح ف قلبى
ضيها
فتح ونجوع
اغمرينى بنيل وقالعة
دحرجينى وسط شوقك
واحكمينى بكارت اخضر
ليه يكون ف وقت قولى
وانتعالى صوت بيصرخ
كارت أصفر
لما ازيد فى النقد ألقى
تخرجينى بكارت أحمر
كنت باحلم بين عيونك
من وجعها بالنجوم
وسط بحر موجه عالى
كنت غارق ف الوجوم
مد إيدك وانشلينى
م الغرق
يجرى إيه لو تعرفينى
والأمور عمالة تطلع
ثم تنزل زى بورصة
ومفترق
يجرى إيه لو لحسة واحدة
من شفايفك تدهالى
واعترف إنى قلق
وان دوخة العشق شوقة
نار حروقة
بتكوى منها
اللى ساكن جوا منك
شربينى
وامنحينى سكر قلبك
أصل نبضى جوا نبضك
مهما طال البعد بينا
يمتحنا
إنت فيك
شقشقة فجر القدوم
اطحنينى دقيق لبكرة
أو نواية ف أرض فكرة
وامزجينى بالنديم
لو هاتكسينى ها احبك
تفردينى رقاق بصدرك
تلمسينى بسعد حسك
مش غريبة الناى بيعزف
من جمالك
والطيور عمال تسبح
ف احتمالك
ليه يجردنى ارتجالك
من وجودى
ليه تبعترنى المهالك
عن وعودى
كم تحية تضيع ببابك
لما ينسد ف شرودى
أنت لما الجود بيرحل
كنت جودى
بالاشارة تندهيلى
وروحى هايمة
عودى عودى
منتظر منك شوية
من حنانك
تطفيها بيها جنون أكلنى
ف ليل ايمانك
انزعى الشوكة اللى ساكنة
ضهر حبى
عمرى ليك بسمة طالة
فاضحة منى المستخبى
هاشتكيك لروح ف قلبى
ما انت قلبى يا صبية