الشاعر عرفه الجهينى 
منيش عاشقك ولاحابك
علشان فى الكلمة تتعالى
ولاكنتى فى يوم قمرى
ولا حتى النجمه فى العالى
ولا جينا حيدا داركم
ولا جبت عمى ولا خالى 
منيش سامع صدى صوتك
ولا من لون عنيكى سحرانى
ولا انت فاكرانى من كلمة 
ادوب فى العشق من تانىى
ولااسهر كما العشاق
واشوف الدنيا ظلمانى
انا عايش سنين من غيرك
ولاعمرى هكون طيرك
منيش عاشقك ولا حابك
ولا عمرى هقول ال اه
من وجعى فى نبع احساسى
ولا هسهر بطول اليليل 
واجيب قلمى وكراسى
واقول الفكر من راسى
واتوه فى الحب واتالم
د انا عالم !!!!! وبتعلم 
من الطفل اللى لساتة يتكلم
وانت شوفى غيرى 
يكون فى الحب يتحمل
ويتعلق فى حبال الشوق 
ويصبر عليك ويكمل
ويمدح محاسن روحك
ويزيد عليها ويجمل
ويعيش فى وهم كبير
ويركع حيداكى ويسلم
وينزف دموع الحب
ولا يقدر لفكرة يتحمل
ويلعن هداكى اليوم
اللى خلى قلبة يتالم
وبقى عبرة لدى العشاق
والكل منه يتعلم